эм

Монголоор

Үгийн дуудлага

[em]

Үндэсний бичиг

ᠡ᠊ᠮ
ᠡ᠊ᠮ᠎ᠠ

(эм-э) эр ~ (эм) ~ тан

Галиглах зарчим

Үгийн утга

I т.

1. Эр гэдгийн эсрэг утга; эр биш бэлгэ бүхий хүн, амьтан
2. Насанд хүрсэн эмэгтэй хүн;

II нэр.анагаах.

1. Өвчнийг эмчлэхэд ерөндөг болгон хэрэглэх зүйлийн ерөнхий нэр

III т.

1. эм эгшиг (хэлний дундуур өгүүлэгдэх э, ө, ү, е, ю (ү) тав), эм хүйс (хэл зүйн хүйсийн айн доторх ялгаврын нэг зүйл), эм үг (эм эгшиг оролцсон үг).

Нийлмэл үг

эм дэгээ - эсрэг хүнийхээ хөлний гадуур нэг хөлөөр дотогш гохдох нэгэн зүйл барилдааны мэх

эм зан гаргах - эр хүн эмэгтэй хүн шиг зан байдал гаргах

эм хүн - эм хүйс бүхий хүн

эм шилбэ - товчийг торгох шилбэ, эм товч

эм эрэг - шураг шургуулж эрэгдэх эрэг

эм ноос - малын хөл, хээлийн ноос

эм цэцэг - зөвхөн эм туурцаг бүхий ганц бэлгэт цэцэг

эм хүйс - а.хүн, амьтны эм чанар; б.үгийн эм чанарыг ялгах хэл зүйн ай

бэлгийн улирал зурхай. - саны явдлыг баримталсан зурхайн ёсны тоолол

эм домоо урга. - иш шулуун, навч гурвалжиндуу цагаан тураг мод, барилгад хэрэглэнэ

эм боловсруулах - эм үйлдвэрлэх

эм тугнах - эмийг тугнуураар хэмжих

эмийн үйлдвэр - эм боловсруулан бэлтгэх газар

эм баригч хуучир. - эмч

эм залах - эм авах

эмийн сан - боловсруулсан эмийг хадгалах, олгох, худалдаалах газар

эмийн ургамал - эмийн найрлагад ордог ургамал

эмийн жор - эмийг найруулах хувь хэмжээний заавар

эмийн тугнуур - эм хэмжих бяцхан халбага

эмийн шошго - эмийн пайз, хаяг

эмийн эрдэм - монгол эмийн хий, шар, бадганын бэлгэ чанарын хорин бүрэлдэхүүнийг дарах чадал

эмийн шигшүүр - эм шигших элгэг

эмийн чадал - эмийн хүний биед үзүүлэх нөлөө

эм найруулах - эмийн зүйлийг зааврын ёсоор хувилан нийлүүлэх

эм судлал/эм зүй ш.у. - эмийн зүйл бие махбодод нөлөөлөх чадлыг судлах ухаан

эм судлалч - эм судлалд мэргэшсэн хүн

эм зүйн толь бичиг - эмийн нэр, чанар, бүрэлдэхүүн, хэрэглэх заавар хэмжээ, найруулга зэргийг тэмдэглэж улсаас баталгаажуулсан ном

бугын эм урга. - уул, хээр талын ой модны доторх сүүдэрлэг чийгтэй газар ургадаг, иш нь ширүүн үстэй, навч нь өндгөлжин зууван, жижиг цагаан цэцэг бүхий олон наст өвс

Зөв бичихзүй

Үг хувилгах зарчим

Кирил бичгийн зөв бичихзүй

эм (I.. ~ийн ургамал, эмийн, эмийн, эмээс

Хоршоо үг

• эр эм - а.эр эм бэлгэ бүхий хүн, амьтан; б.эхнэр нөхөр хоёр
• эм дом - өвчнийг илаарьшуулах эм тан, арга засал
• эм тан - өвчин анагаах төрөл бүрийн эмийн бэлдмэл
• эм тариа - эм болон тариур

Эсрэг үг

#эр

Этгээд үг

ЯАТУУ н. муу эмэгтэйХ.yatou(үйлчлэгч эмэгтэй, охин)

• Тэр залуу уурандаа чам шиг яатуугаас сална гэж хашгичиж байв.
• Би урьд нь ийм ааш муутай яатууг хараагүй юм байна.

Товчилсон үг

МЭИК Монгол Эм Импекс Концерн

МЭҮХ Монголын Эм Үйлдвэрлэгчдийн Холбоо

УЭХҮГ Улсын Эм Хангамж, Үйлдвэрлэлийн Газар

Хэлц үг

Өвөрмөц хэлц

эр эм болох - гэрлэх, ураг холбох

Хэвшмэл хэлц

Идэш муу жилийн гай

Эм муу насны гай

Инж эрээгүй

Эм эрэх

Лам муудвал бурханаа зүхнэ

Эм мухардвал нөхрөө зүхнэ

Лам хүн мухардвал бурханаа зүхнэ

Эм хүн мухардвал хүүхдээ хараана

Үр биш зүрх

Эм биш урхи

Эм гашуун ч өвчинд тустай

Үг хатуу ч явдалд тустай

Эм гашуун ч эдгэлд тус

Үг хатуу ч дээрдэлд тус

Эм ламын хооронд

Илжиг жороолно

Эм муу бол айл уруу

Дэм муу бол ажил уруу

Эм муу бол насны гай

Идэш муу бол жилийн гай

Эм муу бол эрд гай

Эмээл муу бол моринд гай

Эм муу боловч насандаа

Хоршоо муу боловч жилдээ

Эм муудвал эргэнэг түшнэ

Илжиг муудвал эрэг түшнэ

Эм муут барагддаг

Эмч муут үхдэг

Эм мэргэн бол эрийн зовлон цөөхөн

Эр чадалтай бол эмийн буян үлэмж

Эм өгөвч эдгэхгүй

Тан өгөвч таарахгүй

Эм тахиа өдөр бүр төрөвч

Эрхтэн гүйцэд тахиа болох нь цөөн

Эм тахианы хүслэн

Атга аагын төдий

Эм үрээ өвөрлөх гэртэй

Эмнэг морио бэлчээх бэлчээртэй

Эм хүн гэрээс гарвал

Ишигтэй ямааны гарзтай

Эм хүн долоон ходоодтой

Эм хүн оёдолгүй бол

Эсгий мануулаас доор

Эм хүн уран аргаар

Эр хүн дориун чадлаар

Эм хүн эргүй бол биед нь эзэнгүй

Эр хүн эмгүй бол гэрт нь эзэнгүй

Эм хүнд итгэхээр

Эрхий хуруундаа итгэ

Эм хүний дотор

Эрх эмзэг хүү эргэлддэг

Эм хүний дотор ээрүүл эргэж багтахгүй

Эм хүний цээжинд ээрүүлтэй утас ганцхан эргэнэ

Эр хүний цээжинд эмээлтэй хазаартай морь гурав эргэнэ

Эм хүнтэй хэлэлцдэггүй

Гүү унагатай уралддаггүй

Эмнэг морь туйлбал эмээл балбалахын отолго

Эм хүн гангалбал эрдээ гээгдэхийн отолго

Эмч муу болбол үхэл ойр

Эм муу бол үгүйрэхэд ойр

Эр ганцаардвал унтахаа мэдэхгүй

Эм ханхайдвал харихаа мэдэхгүй

Эр муудвал элгээ түшнэ

Эм муудвал эргэнэгээ түшнэ

Эр найртай

Эм эвтэй

Эр үхрийн эврээр цохиход

Эм үхрийн араа шархирдаг

Эр үхрийн эвэр хаврихад

Эм үхрийн шарх хорсдог

Эр хүн атаандаа

Эм хүн жөтөөндөө

Эр хүн морио

Эм хүн заслаа

Эр хүн нэг санаатай бол эрдэнэ

хоёр санаатай бол ёр

Эм хүн нэг сэтгэлтэй бол дагина

хоёр сэтгэлтэй бол хор

Эр хүн өшөөндөө

Эм хүн атаандаа

Эр хүн хэрэлдвэл хулгайгаа

Эм хүн хэрэлдвэл муугаа

Эр хүн шарханд чанга

Эм хүн шалтагт чанга

Эр хүн шархандаа

Эм хүн шалтагтаа

Эр хүн эдээр чимэхээс эрдмээр чим

Эм хүн өнгөөр чимэхээс оюунаар чим

Эр хүн эрээгүй нь дээр

Эм хүн жороогүй нь дээр

Эр хүн эрээгүй нь дээр

Эм хүн цэвэрч нь дээр

Эр хүнд эмгүй бол эдэд нь эзэнгүй

Эм хүнд эргүй бол биед нь эзэнгүй

Эр хүнд эрхий гурав ороох сур олз

Эм хүнд ээрүүл ороох ноос олз

Эр хүний дотор

Эмээл хазаартай морь эргэлддэг

Эм хүний дотор

Үстэй зүстэй хүү эргэлддэг

Эр хүний мэдсэн нь тос

Эм хүний мэдсэн нь ус

Эр хүний сүнс бүсэндээ байдаг

Эм хүний сүнс ээрүүлдээ байдаг

Эр хүний үгийг эргүүлэшгүй

Эм хүний үлгэрийг эвдэшгүй

Эр хүний уран чөдрийн туухай дээр

Эм хүний уран эгзгийн шилбэ дээр

Эр хүний хэлсэн тосон дээгүүр

Эм хүний хэлсэн усан доогуур

Эр хүнийг зориулж хэлдэг

Эм хүнийг зогсоож хэлдэг

Аман зохиолд орсон нь

Зүйр үг

Эм хүн уран аргаар

Эр хүн дориун чадлаар

Тайлбар: хүн бүхэн өөр өөрийн авьяас чадалтай байдаг