ой

Монголоор

Үгийн дуудлага

[oi]

Үндэсний бичиг

ᠡᠣ᠊᠊ᠢ

(ои)

Галиглах зарчим

Үгийн утга

I нэр.

1. Мод бүрхэн ургасан газар

II нэр.

1. Бүтэн өдөр хоног, сар, жил болох хугацаа

III нэр.

1. Сэтгэн бодох, тогтоон цээжлэх чадвар

IV нэр.

1. Жигшин зэвүүрхэх сэрэл

V чимээ.

1. Сандран бачимдах үед гарах дуу авиа.

VI.

Нийлмэл үг

аглаг ой - хүн явах нь ховор, мод ихтэй зэлүүд газар

балар ой - битүү ой

бөглүү ой - алс хол, зэлүүд ой

харанхуй ой - өтгөн шигүү модтой, нарны тусгал муу газар

тачир ой - сийрэг модтой хэсэг газар

өтгөн шигүү ой - мод ихээр багшран ургасан газар

бургасан ой - бургас мод их хэмжээгээр ургасан хэсэг газар

улиасан ой - улиас мод их ургасан хэсэг газар

нарсан ой - нарс модтой газар

халхавч ой - үер, ган, салхи, шуурга, элс шороо зэрэг байгалийн элдэв гамшгаас сэргийлэхээр ургуулсан хэсэг мод

ой сүйтгэх - ойн мод, ургамал зэргийг тасдах, хог тарих

ой хамгаалагч/ойн цагдаа/ойн сахиул - ой модыг харж хамгаалах үүрэг бүхий хүн

ойн жим - ой дахь нарийн зам

ойн эзэн - а.ойг хариуцан эзэмшигч; б.ойн буг бурхад

далан насны ой - далан нас хүрсний баяр

их сургуулийн тавин жилийн ой - их сургууль байгуулагдаад тавин жил болсныг тэмдэглэх өдөр

ойн баярын өдөр - ямар нэгэн тэмдэглэлт үйл явдал болсон баярын өдөр

ойн баярыг тэмдэглэх - ямар нэгэн баярт өдрийг эргэн дурсаж тэмдэглэх

ой хүрэх - хүүхэд нэг нас хүрэх

ойноосоо өнгөрөх - нэг нас гарантай болох

ой ойн дээрээ гарах - нэг насны зөрүүтэй байх, төрөх

ой сайн - тогтоох цээжлэхдээ сайн, оюуны чадвар өндөр

ой муу - тогтоон цээжлэх чадвар сул, оюуны чадвар муу

ойд орох - ухаан санаанд сэрэгдэн мэдрэгдэж бодогдох

ойд багтахгүй - оюун ухаанаар бодож олохгүй, санаанаас гадуур зүйл

ой алдрах - хүний танин мэдэх, тогтоох, хадгалах, эргэн санах чадвар муудах, өөрчлөгдөх

ой сайтай - а.оюуны чадвар өндөр; б.хэр баргийн зүйлээс жигшин зэвүүрхдэг­гүй

ой муутай - а.оюуны чадвар сул; б.амархан жигшин зэвүүрхэж байгаа нь

ой гутах - муухай юмыг үзэх, амтлах, үнэрлэх зэрэгт дургүй хүрч бөөлжис хүрэх

ой загас амьт. - бие моголцог хэл­бэртэй, цээжиндээ сэлүүртэй, усан дээгүүр халин явдаг нэг зүйлийн загас

Зөв бичихзүй

Үг хувилгах зарчим

Кирил бичгийн зөв бичихзүй

ой нэр. ~н нөөц, ойн, ойд

Хоршоо үг

• ой мод - уул хөдөөд ургасан их мод
• ой хөвч - аглаг битүү ой тайга
• ой тайга - өтгөн шигүү, аглаг ой мод
• ой шугуй - багширч өтгөн ургасан модорхог газар, өргөн уудам газарт үргэлжлэн ургасан модод
• ой билиг - оюун ухаан
• ой ухаан - юмс үзэгдлийг таньж мэдэх, ухаарч ойлгох, дүгнэх чадвар
• ой той - ухаж сэрэх чадвар, ухаан санаа
• ой тогтоолт - юмыг цээжлэх, тогтоох чадвар

Товчилсон үг

БОМБ Барилга, Ой, Мод Боловсруулах

БОМБҮ Барилга, Ой, Мод Боловсруулах Үйлдвэр

БОМБҮАҮЭ Барилга, Ой, Мод Боловсруулах Үйлдвэрийн Ажилчдын Үйлдвэрчний Эвлэл

ОААА Ой, Агнуурын Аж Ахуй

ОАН Ой, Ан Нэгтгэл

ОАСХ Ой, Ан Судлалын Хүрээлэн

ОАҮШХ Ой, Агнуурын Үйлдвэрлэл Шинжилгээний Хүрээлэн

ОАХШБГ Ой, Агнуурын Хэргийг Шалган Байцаах Газар

ОМ Ой Мод

ОМАҮЯ Ой Модны Аж Үйлдвэрийн Яам

ОМҮЭШХ Ой Модны Үйлдвэрийн Эрдэм Шинжилгээний Хүрээлэн

Хэлц үг

Хэвшмэл хэлц

Ой дотор ч бол олон үг бүү хэл

Модон дотор ч бол муу үг бүү хэл

Хадтай газар ч бол хатуу үг бүү хэл

Ой зузаанд уул сүрлэг

Ус гүнд нуур сүрлэг

Ой мод олон бол нутгийн чимэг

Ой ухаан сайн бол насны чимэг

Ой мод урттай богинотой

Олон хүн сайнтай муутай

Ой мод уулын чимэг

Эрдэмтэн мэргэд улсын чимэг

Ой модонд ооль гээвэл олдохгүй

Овоггүй хүнд нөхөд олдохгүй

Ой модны дунд урттай охортой

Олон хүний дунд сайнтай муутай

Ой модны өндөр намыг адилтгах аргагүй

Арван хурууны урт богиныг тэгшитгэх аргагүй

Ой муутай

Олгой чухалтай

Ой нүдтэй

Тал чихтэй

Ой нь ч олигтой болсон шиг

Санаа нь ч сайтай болсон шиг

Ой тойрохоос

Ургаа тойрдоггүй

Олон хүн хүчтэй

Ой мод нөмөртэй

Санаа нь сарьдагийн цаагуур

Ой нь огторгуйн цаагуур

Ус бүхэн унд биш

Ой бүхэн нуруу биш

Уул бүхэн эрдэнэгүй

Ой бүхэн зандангүй

Аман зохиолд орсон нь

Зүйр үг

Олон хүн хүчтэй

Ой мод нөмөртэй

Тайлбар: олон түмэн хэнд ч үл дийлдэнэ

Ой мод олон бол нутгийн чимэг

Ой ухаан сайн бол насны чимэг

Тайлбар: ой модтой газар нутагтаа үзэсгэлэн болох, оюун ухаан сайтай хүн насаараа бусдад хүндлэгдэх